හැඳින්වීම

නිතිපතා හෝ ස්ථීරව කෙරෙන ගොවිතැනකට යටත් ඉඩම් මත නියම කර අය කර ගනු ලබන බද්දකි. බද්දක් නියම කිරීම සඳහා ආණ්ඩුක්‍රම ව්‍යවස්ථාවේ 148 වන ව්‍යවස්ථාවෙන් පාර්ලිමේන්තුවට ලැබී ඇති බලතල, නීතියක් මගින් වෙනත් යම් අධිකාරයකට පවරා දීමට පාර්.ලිමේන්තුවට ලැබී ඇති බලය යටතේ, නිතිපතා හෝ ස්ථීර ව කෙරෙන ගොවිතැනකට යටත් ඉඩම් මත බද්දක් නියම කර අය කර ගැනීමට ප්‍රාදේශීය සභාවලට බලය පවරා දී ඇත.

නෛතික අධිකාරිය

1987 අංක 15 දරණ ප්‍රාදේශීය සභා පනතේ 134 (3) වගන්තිය

සුදුසුකම්

• ප්‍රාදේශීය සභා සීමාවක් තුළ පිහිටි ස්ථීර හෝ නිතිපතා වගාවට යටත් කර ැති ඉඩම්
• හෙක්ටයාර 5කට වඩා වැඩි ඉඩමක් විය යුතු‍ය. (එහෙත් හෙක්ටයාර 5කට වඩා අඩු ඉඩම්වලින් අක්කර බදු අය කිරීමට ඌව පළාතේ ප්‍රාදේශීය සභාවලට බලය ලැබී ඇත.1989.04.28 දින අංක එල්.ඩී.බී.2787 ගැසට් නිවේදනය

ගාස්තු

• හෙක්ටයාර 5කට අඩු හෙක්ටයාර 1ට නොඅඩු වන අවස්ථාවක දී එක් හෙක්ටයාරයකට – රු.50/-
• හෙක්ටයාර 5ක් හෝ ඊට වැඩිවන අවස්ථාවක දී එක් හෙක්ටයාරයකට – රු. 10/-

බද්ද ගෙවීම පැහැර හැරීමේ ප්‍රතිවිපාක

• ගෙවීම පැහැර හරින සෑම කාර්.තුවක් අවසානයේ ලේකම්වරයා විසින් පැහැරහරින්නා සතු චංචල දේපළ තහනමට ගෙන විකුණා බදු මුදල අයකර ගැනීමට වරෙන්තුවක් නිකුත් කරනු ඇත.අයකරනු ලබන වරෙන්තු ගාස්තුව වෙනුවෙන් හිඟ බදු මුදලෙන් 10% මුදලක් අතිරේකව අයකරනු ලැබේ.
• වරෙන්තු නිකුත් කිරීමෙන් අනතුරුව දේපළෙහි පදිංචිකරු සතු හෝ ඒ දේපළ මත තිබෙන කවර හෝ තැනැත්තෙකුට අයත් චංචල දේපළ තහනමට ගෙන විකුණා අය වීමට ඇති හිඟ මුදල අයකර ගනු ලැබේ.
• තහනමට ගත හැකි චංචල දේපළක් නොමැති විට නිශ්චල දේපළ තහනමට ගැනීම සඳහා අධිකරණ ක්‍රියාමාර්.ග ගනු ලැබේ.