විනෝද බද්දක් ලෙස

පළාත් පාලන ආයතන බල ප්‍රදේශයක් තුළ මුදල් අයකරගනු ලබන විනෝද බදු ආඥා පනතේ අර්ථයට ගැනෙන විනෝද කටයුත්තක් කරයි නම් එවැනි අවස්ථාවක විනෝද කටයුත්ත සංවිධානය කරන සංවිධායකවරුන් පළාත් පාලන ආයතනයෙන් බලපත්‍රයක් ලබාගත යුතුය. එවැනිි බලපත්‍රයක් ලබානොගෙන යම් පුද්ගලයෙකු එම කාර්යය කරනු ලැබුවහොත් එය අපරාධ නීතිය යටතේ ගැනෙන වරදක් බැවින් ප්‍රදේශයේ මහේස්ත්‍රාත් ඉදිරියේ නඩුකරයක් ගොනුකර පළාත් පාලන ආයතනයට ලැබිය යුතු බදු මුදල අයකර ගැනීමේ හැකියාව පවතී.

විනෝද බද්දට අයත් නොවන විනෝද කාර්යයන්

* සන්නද්ධ හමුදාවල සාමාජිකයන්ගේ හෝ ඔවුන්ගේ පවුල්වල සාමාජිකයන්ගේ සුභසාධනය සඳහා පවත්වනු ලබන විනෝද සංදර්ශන

* ආධුනිකයෙකුගේ මුල් ප්‍රසංග 10(දහය). (පදිංචි ප්‍රදේශයේ ප්‍රාදේශීය ලේකම්වරයා විසින් නිකුත් කරනු ලබන සහතිකයක් මඟින්ඔහු විසින් මෙතෙක්

   පවත්වන ලද ප්‍රසංග වාර ගණන තහවුරු කළ යුතුය.)

නෛතික අධිකාරිය

• • • • •  විනෝද බදු ආඥා පනත
        • 1947/02/26 දින 9672 අංක දරණ අතිවිශේෂ ගැසට්පත්‍රෙයේ සඳහන් විනෝද බදු රෙගුලාසි

ගාස්තුව

• • • සභා බල ප්‍රදේශය තුළ මුදල් අය කර  සංදර්ශනය කරනු ලබන සංදර්ශනවල අයකරනු ලබන මුදලෙන් 10% ක් වූ ප්‍රතිශතයක් විනෝද බද්දක් ලෙස අය කෙරේ.

බද්දට යටත් පුද්ගලයා විසින් අනුගමනය කළ යුතු වැඩපිළීවෙළ

• • • මුද්‍රණය කරන ලද එක් එක් වටිනාකමෙන් යුතු ප්‍රවේශපත්‍ර ප්‍රාදේශීය සභාවේ  ලේකම්වරයා වෙත ඉදිරිපත් කර මුද්‍රා තබා ගත යුතුය. ( ඉල්ලීම සමඟ ප්‍ර වේශපත් මුද්‍රණය කරන ලද මුද්‍රණාලයේ අයිතිකරු හෝ කළමනාකරු විසින් නිකුත් කරන ලද මුදල් භාරගැනීමේ කුවිතාන්සියේ මුල් පිටපත සමඟ ඡායා පිටපතක්ද ඔහු විසින් වෙනම නිකුත් කරනු ලැබූ සහතිකයක්ද මඟින් මුද්‍රණය කරන ලද එක් එක් වටිනාකමෙන් යුතු ප්‍රවේශපත්‍රවල ප්‍රමාණය තහවුරු කළ යුතුය.)
    • මුද්‍රා තබන ලද ප්‍රවේශපත්‍ර ප්‍රමාණයේ වටිනාකමින් විනෝද බද්දට යටත් මුදල් ප්‍රමාණය සභාවේ තැන්පත් කළ යුතුය.