වරිපනම් බද්දෙන් නිදහස් දේපළ

* පොදු ආගමික පූජනීය කටයුතු සඳහා මුළුමනින්ම හෝ ප්‍රධාන වශයෙන් ප්‍ර යෝජනයට ගනු ලබන සියලු ඉඩම් හෝ ගොඩනැගිලි

* ගාස්තු අය නොකරන අධ්‍යාපනික ආයතන විසින් හෝ රාජ්‍ය අරමුදල්වලින් ආධාර ලබන්නාවූ හෝ එවැනි ආධාර කලින් ගෙවා දැන් නොගෙවන්නා වූ අධ්‍යාපනික
ආයතන භාවිත කරන ඉඩම් හෝ ගොඩනැගිලි

*සුසාන භූමි හා මිනීපිටි ආඥා පනත යටතේ ප්‍රකාශයට පත් කරන හෝ ලියාපදිංචි කරන ලද සියලු සුසාන භූමි හා භුමිදාන බිම්

*අයිතිකරුගේ දරිද්‍රතාව හේතුකොටගෙන ප්‍රාදේශීය සභාව විසින් යෝජනා සම්මතයකින් එම බද්දෙන් විශේෂ වශයෙන් නිදහස් කරනු ලබන දේපළ

වරිපනම් බදු ගෙවීමේ දී සැලකිලිමත් විය යුතු කරුණු

ප්‍රාදේශීය සභාව විසින් වාර්ෂිකව තක්සේරු කරනු ලබන දේපලෙහි වාර්ශික වටිනාකමට ගැලපෙන මුදල අදාල වර්ෂයේ වරිපනම් බදු ලෙස ගෙවිය යුතුය. එහිදී

සෑම වර්ෂයකම ජනවාරි 31 දිනට පෙර වරිපනම් බදු ගෙවන්නේ නම් ඔබට 10% වට්ටමක් හිමි වේ.
කාර්තුවේ මුල් මාසයේ දී ගෙවන්නේ නම් 5% ක වට්ටමක් හිමිය.
දිගින් දිගටම ඔබ වරිපනම් බදු ගෙවීම පැහැරහරින්නෙකු නම්,ඔබගේ වරිපනම් හිඟ ශේෂ මුදල සඳහා % වරෙන්තු ගාස්තුවක් එකතු වේ.